Policia e Krujës ka finalizuar operacionin policor të koduar “Implikimi”, i cili ka çuar në pranga 40-vjeçarin A.Gj, me precedentë të mëparshëm penalë, pasi në hotelin në pronësi të tij në Krujë u gjetën sende të kundërligjshme dhe para të dyshuara nga aktivitete kriminale.
Sipas njoftimit të policisë, gjatë kontrolleve në këto ambiente u gjetën 1 armë zjarri (pistoletë), 1 krehër me 20 fishekë luftarakë, 1 jelek antiplumb dhe 20 000 euro të dyshuara të përfituara nga veprimtari të kundërligjshme.
Në përfundim të veprimeve procedurale për rastin u krye arrestimi në flagrancë i 40-vjeçarit dhe sekuestrimi i sendeve të kundërligjshme që posedonte ai.
Policia po vijon hetimet për të dokumentuar plotësisht veprimtarinë kriminale të këtij shtetasi. Materialet procedurale iu referuan Prokurorisë, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
