Një banesë në lagjen “Kastrioti” në Fushë-Krujë është përfshirë nga flakët, duke shkaktuar dëme të shumta materiale.
Banesa, në pronësi të Ardian Mirit, është djegur pjesërisht, ndërsa ndërhyrja e menjëhershme e zjarrfikësve ka bërë të mundur shuarjen e flakëve.
Flakët kanë përfshirë trarët e çatisë, duke shkaktuar rënien e saj dhe duke e nxjerrë banesën jashtë funksioni.
Në momentin kur ka rënë zjarri, në banesë nuk ka pasur persona.
Paraprakisht dyshohet se zjarri mund të jetë shkaktuar nga një luhatje e energjisë elektrike, megjithëse shkaqet e plota të ngjarjes pritet të përcaktohen pas verifikimeve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
