Aksident tragjik për dy vajza në Itali, njëra nga viktimat shqiptare

Një aksident tragjik me pasojë dy vajza të vdekura është shënuar gjatë natës mes të shtunës dhe të dielës në Itali, në Motta di Livenza (Treviso).

Krahas tyre dy të rinj mbetën të plagosur kur makina tip “Bmw” me të cilën udhëtonin u përplas pas një peme.

U desh ndërhyrja e zjarrfikësve dhe prerja e mjetit për të nxjerrë trupat e pajetë, një 17-vjeçare italiane dhe një 19-vjeçare shqiptare.

Katër të rinjtë ndodheshin në makinën që drejtohej nga një 19-vjeçar nga Pordenone, i cili mbeti i plagosur rëndë.

Në rrethana të paqarta makina doli nga rruga në krahun e gabuar, duke u përplasur me pemën.

Viktima është shqiptarja Eralda Spahillari, dhe një 17-vjeçare nga Oderzo, Barbara Brotto.

Ndërsa të plagosur rëndë janë drejtuesi i mjetit i moshës 19-vjeçare dhe pasagjeri 18-vjeçar.