Një punonjëse e një prej njësive administrative të Tiranës dhe një specialist IT-je në Drejtorinë e Përgjithshme të Gjendjes Civile janë pezulluar nga detyra për shpërdorim detyre.
Rasti lidhet me falsifikimin e një dokumenti identifikimi.
Sipas policisë, 41-vjeçari D.I. ka aplikuar për ndryshimin e emrit të tij, me dokument identifikimi të falsifikuar dhe ka arritur ta kryejë këtë procedurë.
Ai është shpallur në kërkim pasi gjykata ka vënë ndaj tij masën e sigurisë “arrest me burg”.
Ndërsa O. O., 44 vjeçe, banuese në Tiranë, me detyrë punonjëse e një njësie administrative në Tiranë; dhe A. K., 30 vjeç, banues në Tiranë, me detyrë specialist IT në Drejtorinë e Përgjithshme të Gjendjes Civile, janë pezulluar nga detyra.
Hetimet për rastin janë kryer nga Sektori për Hetimin e Krimit Ekonomik dhe Financiar, në drejtimin e Prokurorisë, në kuadër të operacionit të koduar “Identiteti”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
