Shërbimet e Komisariatit të Policisë Mirditë kanë finalizuar me sukses operacionin e koduar “Droni”, duke vënë në pranga një 37-vjeçar të identifikuar si Fabian Marku, banues në fshatin Xhuxhë.
Në kuadër të kontrolleve të pandërprera në zona të thella malore me anë të dronëve, policia arriti të diktonte 37-vjeçarin pikërisht teksa ai po kujdesej për bimët narkotike.
I riu kishte kultivuar 60 bimë të dyshuara Cannabis Sativa në një zonë të pyllëzuar të fshatit Xhuxhë, si dhe në afërsi të banesës së tij. Pas konstatimit, forcat e rendit ndërhynë duke bërë të mundur arrestimin në flagrancë të autorit të dyshuar.
Dhjetëra bimët narkotike u asgjësuan përmes djegies, ndërsa një pjesë e tyre u sekuestrua në cilësinë e provës materiale. Materialet procedurale i kaluan prokurorisë për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
