Ish-ministri i Mbrojtjes, Fatmir Mediu, nuk është paraqitur sot në ambientet e SPAK-ut, ku po zhvillohet seanca gjyqësore për çështjen e tragjedisë së Gërdecit.
Teksa Mediu nuk është paraqitur, në seancë kanë mbërritur dy avokatët e tij mbrojtës ndërsa prokurorët e çështjes poashtu munguan me arsyetimin se ndodhen në shërbim jashtë vendit.
Po ashtu në SPAK është paraqitur edhe familja Durda, të cilët humbën fëmijët e tyre vetëm 7 vjeç nga shpërthimi i Gërdecit.
Gjyqtarja Irena Gjoka caktoi datën 23 mars, prej orës 14:00, për të marrë një vendim nëse do të kalojë çështjen për gjykim.
Më 10 janar Mediu u mor zyrtarisht i pandehur nga Prokuroria e Posaçme SPAK.
Ishte Gjykata e Lartë në Shqipëri, që më 28 tetor të vitit 2021 depozitoi në SPAK dosjen për ish-ministrin e Mbrojtjes, Fatmir Mediu.
Ai pritet të akuzohet nga SPAK për “Shpërdorim të detyrës në bashkëpunim me subjekt ushtarak” për ngjarjen e Gërdecit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
