SPAK ka thelluar hetimet ndaj ish-zëvendëskryeministres Belinda Ballukut pas sigurimit të provave të reja.
Hetimi është zgjeruar edhe për Lotin 7 të Unazës së Madhe të Tiranës. Gazetari Arsen Rusta raportoi për “MCN Live”, se vila e dytë në zonën e Palasës është sekuestruar me urdhër të prokurorit Dritan Prençi.
Sipas SPAK, një vilë e dytë në kompleksin “Green Coast” në Palasë, e cila dyshohet se mund të jetë pasuri e lidhur me Ballukun dhe e përfituar në mënyrë të parregullt, është fshehur përmes regjistrimit në emër të Igli Tares.
Tare në deklarimet e tij ka thënë se as nuk ka pastruar para dhe se vilën e ka blerë në vitin 2020, pa lidhje me prokurimin publik të vitit 2021.
Sipas hetimit, investimi për vilën lidhet me biznesmenin Arbër Abazin, ndërsa Tare është marrë nën hetim për akuzën e pastrimit të parave.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
