Ka ndërruar jetë një prej gjashtë personave që mbetën të plagosur nga shpërthimi i një bombule gazi në fshatin Markatomaj të Lezhës, më 29 gusht.
Sipas burimeve, viktima është 40-vjeçari Saimir Kola, i cili prej 12 ditësh po kurohej në Itali, por nuk ka mundur t’u mbijetojë plagëve të rënda të shkaktuara nga shpërthimi.
Mësohet se Kola kishte pësuar djegie në rreth 90% të sipërfaqes së trupit, duke e rënduar ndjeshëm gjendjen e tij shëndetësore.
Shpërthimi i bombolës së gazit ndodhi më 29 gusht në banesën e familjes Kola në Markatomaj, ndërsa si pasojë mbetën të plagosur edhe pesë anëtarë të tjerë të familjes.
40-vjeçari u dërgua për mjekim të specializuar në Itali, ku qëndroi për 12 ditë nën kujdesin e mjekëve, por për shkak të plagëve të rënda ndërroi jetë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
