Pierre-Richard Prosper, avokati i Hashim Thaçit, e ka cilësuar si “dështim të drejtësisë” aktgjykimin e sotëm ndaj ish-krerëve të Ushtrisë Çlirimtare të Kosovës (UÇK).
Prosper ka reaguar para mediave pas vendimit të sotëm, duke shprehur shqetësimin e tij për mënyrën se si është zhvilluar procesi dhe për dëshmitë e marra në konsideratë.
Prosper ka deklaruar se, sipas tij vendimi ka qenë i parapërgatitur dhe se gjatë procesit është paraqitur një version i historisë ku përgjegjësia kryesore është vendosur mbi Hashim Thaçin.
Ishim dëshmitarë të një dështimi të drejtësisë.
Po them këtë se Tribunali e ka rishkruar këtë histori. Kemi dëshmitarë që kanë qenë në terren dhe e kanë bërë të qartë në këtë gjykatë se Thaçi nuk ka qenë përgjegjës dhe se UÇK-ja ka qenë e përbërë nga komandantë të grupeve rajonale.
Kjo luftë do të vazhdojë. Ne do të apelojmë. Por kjo është ditë e zezë për drejtësinë ndërkombëtare.
Është edhe fundi i drejtësisë penale ndërkombëtare.
Ai ka përmendur edhe NATO-n dhe Departamentin amerikan të Shtetit (DASH), duke thënë se duhet ta shqyrtojnë nga afër vendimin e gjykatës.
“NATO dhe DASH-i duhet ta shikojnë nga afër këtë vendim, sepse ajo që tha sot gjykata, së pari për NATO-n, është se UÇK-ja ishte ndërmarrje e përbashkët kriminale. Dhe ata po thonë se NATO-ja bashkëpunoi me një ndërmarrje kriminale. DASH-i dhe shtetet e tjera tani duhet të jenë të vetëdijshëm për hapat e mëtejshëm kur ka konflikte dhe tribunale”, ka deklaruar avokati i Thaçit.
Ai madje i ka bërë thirrje Kuvendit të Kosovës që ta shqyrtojë çështjen e Gjykatës Speciale.
Fola me z.Thaçi dhe ai e vlerëson shumë mbështetjen e njerëzve. Është i përgatitur që të luftojë për veten dhe Kosovës. Dhe një koment tjetër.
Ndoshta mund të hyj në telashe për këtë. Kam goditur kokën time me grushte kur gjykatësi shqiptoi ‘në emër të popullit të Kosovës’.
Ata nuk dëgjuan mbrojtjen. Parlamenti i Kosovës duhet ta shohë këtë. Sepse ky është partneritet mes BE-së dhe Parlamentit të Kosovës. Unë do e hiqja mbështetjen që nesër.
Kosova duhet të marrë një vendim sovran. Në disa raste duhet të çohesh në këmbë dhe të marrësh një vendim.
Ai do të lirohet në një pikë. Beteja dhe lufta vijojnë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
