Votohet Qeveria “Kurti 4”/ Albin Kurti merr mandatin e ri si kryeministër

Me 62 vota pro dhe 8 kundër të Listës Serbe është votuar Qeveria 'Kurti 4', në një seancë të jashtëzakonshme të thirrur nga Kuvendi i Kosovës.

Kuvendi votoi përbërjen e Qeverisë pas konstituimit, duke zyrtarizuar kështu edhe formimin e institucioneve të vendit.

Albin Kurti është zgjedhur kryeministër për mandatin e ri qeverisës, pas seancës së jashtëzakonshme të Kuvendit, ku në rend dite ishte zgjedhja e Qeverisë së Republikës së Kosovës.

Pas votimit kanë dhënë betimin edhe anëtarët e kabinetit qeveritar.

Kabineti i propozuar nga Kurti:

Zëvendëskryeministër i parë dhe ministër i Punëve të Jashtme dhe Diasporës- Glauk Konjufca,

Zëvendëskryeministre e dytë dhe ministre e Drejtësisë- Donika Gërvalla,

Zëvendëskryeministër i tretë për Çështje të Pakicave dhe Bashkëpunim, Fikrim Damka,

Ministër i Financave- Hekuran Murati,

Ministër për Punë, Familje dhe Vlerat e Luftës Çlirimtare- Andin Hoti,

Ministër i Mbrojtjes- Ejup Maqedonci,

Ministër i Punëve të Brendshme- Xhelal Sveçla,

Ministër i Digjitalizimit dhe Administratës Publike- Lulzon Jagxhiu,

Ministër i Shëndetësisë- Arben Vitia,

Ministër i Arsimit dhe Shkencës- Hajrulla Çeku,

Ministër i Kulturës dhe Turizmit- Saranda Bogujevci,

Ministër i Administrimit të Pushtetit Lokal- Elbert Krasniqi,

Ministër i Sportit dhe Rinisë- Blerim Gashani,

Ministre e Mjedisit dhe Planifikimit Hapësinor- Fitore Pacolli,

Ministër i Bujqësisë, Pylltarisë dhe Zhvillimit Rural- Armend Muja,

Ministër i Infrastrukturës dhe Transportit- Dimal Basha,

Ministre e Industrisë, Ndërmarrësisë, Tregtisë dhe Inovacionit- Mimoza Kusari,

Ministre e Ekonomisë- Artane Rizvanolli,

Ministër për Komunitete dhe Kthim- Nenad Rashiq,

Ministër për Zhvillim Rajonal- Rasim Demiri.

Deputetë të Partisë Demokratike të Kosovës, të Aleancës, dhe të Lidhjes Demokratike të Kosovës nuk ishin të pranishëm në seancë ku u votua Qeveria. 

Të pranishëm ishin deputetë të VV-së, Listës Serbe e disa nga komunitetet, mirëpo të njëjtit votuan kundër Qeverisë Kurti4. 

Formimi i Qeverisë së re vjen pas një periudhe të gjatë të zhvillimeve politike dhe procedurave për konstituimin e institucioneve të reja të vendit.