Shefi i OpenAI: Bota ka të drejtë të ketë frikë nga inteligjenca artificiale

Shefi i OpenAI, Sam Altman, deklaroi se publiku duhet të ketë më shumë besim te kompanitë e inteligjencës artificiale (IA) për të bërë gjënë e duhur. 

Gjatë konferencës vjetore të Salesforce, Altman pranoi se njerëzit kanë të drejtë të kenë frikë nga përparimi i shpejtë i teknologjisë, por siguroi se industria është e aftë të garantojë sigurinë dhe madje të ndalojë zhvillimin nëse gjërat dalin jashtë kontrollit. 

Megjithatë, kreu i OpenAI pranoi se shqetësimet e publikut lidhur me rreziqet e inteligjencës artificiale janë të justifikuara. Sipas tij, aftësitë e mjeteve të AI janë zhvilluar me ritme shumë të shpejta dhe tashmë është më e lehtë të imagjinohen skenarë në të cilët kjo teknologji mund të përdoret në mënyrë të rrezikshme.

“Bota ka të drejtë të ketë frikë nga kjo”, tha Altman, duke iu referuar rreziqeve të mundshme të inteligjencës artificiale.