Vetëm pak ditë para përvjetorit të dytë të tragjedisë në Novi Sad, e cila shkaktoi protesta masive antiqeveritare, në Serbi do të mbahen zgjedhjet e parakohshme parlamentare më 25 tetor.
Sipas mediave të huaja, me propozim të qeverisë, presidenti serb Aleksandar Vuçiç nënshkroi një dekret për shpërndarjen e parlamentit dhe shpalljen e zgjedhjeve parlamentare më 25 tetor.
"Unë besoj se pas zgjedhjeve do të dalim nga kriza. Do ta pranoj me kënaqësi çdo rezultat demokratik, do t'i përgëzoj kundërshtarët e mi nëse fitojnë, nuk do të zemërohem nëse nuk më përgëzojnë, jam mësuar me këtë. Zëri i Zotit dhe vendimi i popullit duhet të respektohen", tha Vuçiç.
Ai njoftoi më herët se zgjedhjet presidenciale do të mbaheshin pas zgjedhjeve parlamentare. Mandati i tij i dytë pesëvjeçar presidencial skadon në vitin 2027, por ai ka thënë se do të japë dorëheqjen së shpejti.
Vuçiç ka marrë mbështetje nga Partia Progresive Serbe (SNS) në pushtet, si dhe nga disa partnerë të koalicionit, për të qenë kreu i listës në zgjedhjet e ardhshme dhe më pas, nëse ata fitojnë besimin e votuesve, ai do të udhëheqë qeverinë e re, që do të jetë mandati i tij i tretë si kryeministër.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
