Dy persona kanë vdekur dhe katër të tjerë janë plagosur rëndë pasi një makinë përplasi një grup njerëzish në Doncaster, në Britani. Aksidenti ndodhi në White Rose Way, midis Carriage Drive dhe Middle Bank Roundabout, sipas BBC.
Policia e Yorkshire Jugore tha se oficerët u thirrën në White Rose Way, pasi një Mitsubishi L200 i zi goditi një grup këmbësorësh në orën 11:00 përpara se të godiste një Audi të zi dhe një BMW në karrexhatën e kundërt. Policia tha se dy nga këmbësorët kishin vdekur në vendngjarje, ndërsa katër persona të tjerë u dërguan në spital me lëndime të rënda.
Shoferi i Mitsubishi-t, një burrë 30-vjeçar, u arrestua me dyshimin për dy akuza për shkaktim të vdekjes nga drejtimi i rrezikshëm i mjetit, dy akuza për shkaktim të lëndimeve të rënda nga drejtimi i rrezikshëm i mjetit dhe më vonë u lirua me kusht. Një zëdhënës i policisë tha se ata ende po "punojnë për të identifikuar dhe informuar" familjet e të vrarëve në përplasje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
