Presidenti amerikan Donald Trump, premtoi të heqë tarifën prej 10% të vendosur mbi importet e uiskit irlandez të dielën, më 13 shtator.
Njoftimi u bë në ceremoninë e mbylljes së Irish Open, një turne i mbajtur në një fushë në pronësi të familjes së tij. Trump ia dorëzoi trofeun fituesit irlandez Shane Lowry.
Gjithashtu aii u takua me kryeministrin irlandez Michael Martin në Dublin të shtunën, më 12 shtator, si pjesë e një vizite dy-ditore në vend.
I pyetur nëse mund t’i hiqte tarifat për uiskin, kreu i Shtëpisë së Bardhë u përgjigj në mënyrë karakteristike: “Unë thashë, në emër të Shteteve të Bashkuara të Amerikës, se do t’i hiqja tarifat për uiskin irlandez.”
Ky zhvillim është një frymëmarrje e rëndësishme për distilerët irlandezë, pasi SHBA është tregu më i madh për eksportet e uiskit irlandez.
Deri më tani, prodhuesit e vendit ishin në disavantazh ndaj konkurrentëve të tyre britanikë, pasi që nga maji, Trump kishte përjashtuar uiskin e prodhuar në Skoci dhe Irlandën e Veriut nga tarifat.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
