Presidentja e Komisionti Europian, Ursula von der Leyen, ka ftuar Kanadanë që të bëhet anëtarja e parë “e asociuar” e Bashkimit Europian.
Në një ofertë të paprecedentë, von der Leyen tha të mërkurën se BE dhe Kanadaja e shohin botën “me të njëjtat sy” përmes vlerave të përbashkëta demokratike dhe qasjeve të përbashkëta ndaj shumë çështjeve të mëdha, nga inteligjenca artificiale te rënia e klimës, lufta në Ukrainë dhe gjeopolitika.
Duke folur në prani të kryeministrit kanadez, Mark Carney, në Parlamentin Evropian në Strasburg, ajo tha: “Ne duam ta çojmë marrëdhënien me Kanadanë në nivelin më të lartë të mundshëm. Ne duhet të riimagjinojmë urgjentisht partneritetet tona. Do të doja të punoja me ju për të hapur derën që Kanadaja të jetë anëtarja e parë e asociuar e BE-së.”
Carney, i cili pritet t’i drejtohet parlamentit të enjten, ka bërë thirrje për një “aleancë unike” me BE-në, ndërsa Kanadaja kërkon të zvogëlojë varësinë e saj të madhe nga tregtia e SHBA-së.
Më vonë ai shkroi në Twitter: “Kanadaja dhe BE-ja janë partnerë të natyrshëm, të bashkuar nga vlera të përbashkëta. Me Presidenten von der Leyen dhe Presidenten e Parlamentit Europian, Metsola, ne u përqendruam në atë që vjen më pas: një partneritet më i thellë që përforcon sovranitetin tonë të ndërsjellë për të krijuar më shumë mundësi dhe prosperitet për popujt tanë.”
BE-ja dhe Kanadaja do të mbajnë një samit në fund të tetorit për të zhvilluar marrëdhëniet e ardhshme.
Kanadaja dhe BE-ja tashmë kanë një marrëveshje tregtare dhe marrëveshje të shumta dypalëshe, por janë afruar që kur Donald Trump u rikthye në Shtëpinë e Bardhë dhe rriti tarifat për të dy aleatët e vjetër, ndërsa foli vazhdimisht për Kanadanë që po bëhet shteti i 51-të i SHBA-së dhe kritikoi ashpër BE-në.
Von der Leyen tha se marrëveshja ekzistuese tregtare BE-Kanada do të përmirësohej në një aleancë për të ardhmen për të krijuar një “hapësirë të përbashkët prosperiteti dhe sigurie ekonomike”.
“Anëtar i asoociuar” është një status i ri dhe nuk dihet se cilat të drejtata do të ketë Kanadaja në institucionet e Bashkimit Europian.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
