Një skandal i rëndë ka përfshirë partinë Reform UK në Uells, pas arrestimit të liderit të saj, Dan Thomas, nën dyshimet për sulm. Thomas, i cili u shpall udhëheqës i degës uellsiane nga Nigel Farage vetëm në shkurt dhe udhëhiqte opozitën në parlamentin e Uellsit, ka dhënë dorëheqjen e menjëhershme këtë të martë (15 shtator 2026).
Sipas Policisë së Gwent, 45-vjeçari u arrestua të dielën e 13 shtatorit dhe aktualisht është liruar me kusht në pritje të hetimeve të mëtejshme. Thomas ka mohuar çdo akuzë, duke deklaruar se nuk ka bërë asgjë të gabuar, por po largohet për të mos u kthyer në një shpërqendrim për partinë.
Kjo dorëheqje vjen si një goditje e jashtëzakonshme për Reform UK, e cila në zgjedhjet e fundit parlamentare të muajit maj doli si partia e dytë më e madhe në Uells, duke fituar 34 vende në parlament.
Thomas, një ish-konservator dhe ish-drejtues i një këshilli lokal në Londër, ishte parë shpesh si një figurë "e dërguar me parashutë" nga selia qendrore, gjë që kishte shkaktuar jo pak tensione të brendshme përpara këtij incidenti.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
