Presidenti i SHBA-së, Donald Trump, bëri një telefonatë surprizë për CEO-n e Nvidia-s, Jensen Huang, duke ndërprerë një aktivitet live për të folur mbi frikën nga zhvillimi i inteligjencës artificiale.
Teksa Huang e vendosi telefonatën në altoparlant gjatë Samitit Gjithëpërfshirës, Trump i quajti shqetësimet për sigurinë e AI-së "një mashtrim".
"Robotët nuk do të marrin kontrollin. Inteligjenca artificiale nuk do të marrë kontrollin e botës. E gjithë kjo është një mashtrim", tha Trump, duke shtuar se kritikët "po luajnë në duart e atyre që nuk duan ta shohin këtë të ndodhë. Mund të jenë njerëz politikë, mund të jetë edhe Kina".
Trump theksoi se SHBA-ja duhet ta mposhtë Kinën në inovacionin e AI-së dhe lavdëroi qendrat e të dhënave, duke i quajtur "të shkëlqyera" dhe burim pasurie për njerëzit dhe shtetet.
"Është nafta e 20-25 viteve të ardhshme, është më e madhe se interneti", tha ai, duke shtuar se njerëzit "duhet të jenë pak të kujdesshëm" dhe t'i bëjnë gjërat "me kujdes".
Video e telefonatës u postua në X dhe u ripostua nga llogaria Trump War Room.
Nvidia tha se nuk ka koment mbi bisedën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
