Tre persona kanë humbur jetën pasi një aeroplan i vogël me një motor u rrëzua në Alpe në Zvicrën jugperëndimore, ndërsa autoritetet po hetojnë shkaqet e aksidentit.
Sipas policisë të kantonit të Valais, aeroplani u rrëzua në shpatin verior të një mali në zonën Fluchalp, pranë vendpushimit malor të Leukerbad.
Të tre personat në bord të avionit u vranë, ndërsa autoritetet zvicerane janë në proces të identifikimit të viktimave.
Avioni ishte ngritur nga Lugano, në kantonin italishtfolës të Ticinos, dhe kishte bërë një ndalesë në Sion, në Valais.
Më pas po shkonte drejt aeroportit Buchs, në kantonin qendror të Nidwalden, kur, për arsye që mbeten të panjohura, u rrëzua në mal.
Përplasja ndodhi pak pas orës 16.00 të pasdites së sotme, në rrethana të paqarta.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
