Motra e mbretit të ndjerë Harald V të Norvegjisë, Princesha Astrid, u nda sot nga jeta në moshën 94-vjeçare, saktësisht dy javë pas vëllait të saj, njoftoi Pallati në Oslo.
“Princesha ndërroi jetë sot, të premten, më 11 shtator, në moshën 94-vjeçare”, thuhet në deklaratën e Pallatit.
Të mërkurën, Astrid mori pjesë, në një karrige me rrota në funeralin e vëllait të saj Harald, i cili vdiq më 28 gusht në moshën 89-vjeçare.
Me kalimin e kohës, paraqitjet e saj publike u bënë të rralla. Në gusht, asaj iu vendos një stimulues kardiak, ashtu si edhe vëllai i saj.
Astrid ishte e fundit që jetonte nga tre fëmijët e Mbretit Olaf V, i cili u ngjit në fron në vitin 1957 dhe qëndroi atje deri në vitin 1991.
Mbreti i Norvegjisë është Haakon VIII, djali 53-vjeçar i Harald V.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
