Protesta të shumta kanë shpërthyer në disa zona të Sirisë pasi qeveria rriti ndjeshëm çmimet e karburantit. Demonstruesit bllokuan rrugë kryesore, dogjën goma dhe kërkuan dorëheqjen e ministrit të Energjisë.
Demonstrata u raportuan në Idlib, Hama, Raka, Deir al-Zor dhe Hasakah, ku në disa zona u pengua kalimi i cisternave.
Komiteti për Çmimet e Produkteve të Naftës publikoi buletinin e ri të përkohshëm, në fuqi nga mesnata e së dielës.
Benzina 95 shkoi në 195 paund siriane për litër (rreth 1.60 dollarë), benzina 90 në 185 SYP (1.52 dollarë), me rritje 28%. Nafta pati rritjen më të madhe, nga 125 në 175 SYP për litër, +40%.
Ministri i Energjisë, Mohammed al-Bashir, tha se rritja reflekton presionin ndërkombëtar dhe kufizimet vendase. Siria ka nevojë për rreth 300
mijë fuçi në ditë, ndërsa prodhon rreth 100 mijë.
Sipas ministrisë, lufta SHBA-Iran po prish furnizimet globale, sidomos përmes Bab al-Mandab, Detit të Kuq dhe Gjirit të Adenit.
Siria konsumon rreth 7.72 milionë litra naftë në ditë, nga të cilat 4.63 milionë importohen.
Një pjesë e naftës vendase është shumë e rëndë dhe jo e pajtueshme me rafineritë ekzistuese.
Ministria tha se rritja është e përkohshme dhe çmimet do të rishqyrtohen.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
