Një person i tretë ka vdekur nga malaria rreth Aeroportit të Frankfurtit, në atë që zyrtarët gjermanë e kanë përshkruar si një shpërthim jashtëzakonisht të rrallë të sëmundjes tropikale të lidhur me trafikun ajror, njofton reuters.
Në një deklaratë të enjten, qyteti i Frankfurtit tha se një nga dy banorët e infektuar të distriktit Schwanheim në veri të aeroportit kishte vdekur nën kujdesin e spitalit universitar të qytetit.
"Të dy individët ishin infektuar me parazitin që shkakton malarien Plasmodium falciparum, edhe pse nuk kishin udhëtuar në një rajon endemik të malaries dhe nuk kishin punuar në aeroport", thuhej në deklaratë.
Më 27 gusht, zyrtarët e qytetit thanë se dy persona që punonin në aeroport kishin vdekur nga malaria dhe se katër të tjerë ishin shëruar nga infeksionet.
Paraziti i malaries përhapet mes njerëzve nga disa lloje mushkonjash, por njerëzit nuk mund ta infektojnë njëri-tjetrin drejtpërdrejt.
Aeroporti i Frankfurtit tha se mushkonjat e kapura në kurthe ishin dërguar në një laborator në Antwerp të Belgjikës në korrik dhe gusht, por rezultatet nuk ishin ende të disponueshme.
Një zëdhënës i aeroportit tha se autoritetet lokale të shëndetit publik kishin fuqinë në parim për të urdhëruar linjat ajrore të dezinfektojnë avionët.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
