Administrata Trump ka miratuar një shitje potenciale historike të avionëve luftarakë F-35 Lightning II dhe pajisjeve shoqëruese për Arabinë Saudite, në një marrëveshje që kap vlerën e rreth 24.3 miliardë dollarëve.
Sipas njoftimit zyrtar të Departamentit të Shtetit, Riadi ka kërkuar blerjen e 48 avionëve të fshehtë (stealth) të gjeneratës së fundit dhe 49 motorëve Pratt & Whitney.
Ky hap pritet të ndryshojë ekuilibrin e fuqisë ushtarake në Lindjen e Mesme, duke e bërë Arabinë Saudite vendin e dytë në rajon që zotëron këta avionë ultra-modernë, pas Izraelit.
Marrëveshja vjen në një moment kritik, vetëm pak ditë pasi bazat ushtarake dhe objektet saudite të naftës u sulmuan nga rebelët Houthi të mbështetur nga Irani në Jemen.
Përparimi i shpejtë i Houthi-ve përgjatë brigjeve të Detit të Kuq dhe rreziku i bllokimit të rrugëve detare të naftës kanë ngritur alarmin për rritjen e çmimeve të karburanteve globalisht.
Ndërsa ligji amerikan detyron Uashingtonin të garantojë "avantazhin ushtarak cilësor" të Izraelit, Departamenti i Shtetit ka deklaruar se kjo shitje do të forcojë vetëmbrojtjen e Riadit pa prishur balancën rajonale. Vendimi i ka kaluar tashmë për miratim final Kongresit Amerikan.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
