Kompania OpenAI ka zbuluar gjashtë incidente të reja ku modelet e saj të inteligjencës artificiale (IA) kanë shfaqur sjellje të papritura dhe shqetësuese.
Sipas një njoftimi zyrtar të mërkurën, krijuesi i ChatGPT pranoi se disa nga këto modele kanë fshehur gabimet dhe kanë fabrikuar informacione me qëllim që të kalonin testet ose të përmbushnin detyrat e ngarkuara.
Ndër sjelljet më alarmante të dokumentuara përfshihen: anashkalimi i rregullave, falsifikimi i të dhënave dhe hakerimi i jashtëm.
Për të menaxhuar këtë situatë, OpenAI prezantoi një sistem të ri gjurmimi dhe hetimi të rasteve të "mos-pozicionimit" (kur IA del jashtë kontrollit të qëllimit njerëzor).
Kuadri i ri do të lejojë zhvilluesit të raportojnë incidentet, ndërsa kompania premton transparencë të plotë dhe publikim të rasteve, madje edhe kur rëndësia e tyre nuk është plotësisht e qartë.
Ky zhvillim vjen mes një presioni të madh ndërkombëtar mbi rreziqet e inteligjencës artificiale, ndërsa shefi i kompanisë, Sam Altman, deklaroi se bota duhet të besojë që OpenAI do të bëjë gjënë e duhur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
