Një person ka mbetur i plagosur mbrëmjen e sotme në Velipojë.
Sipas informacioneve paraprake, shtetasi Emiljano Paloka, është qëlluar me armë zjarri. Ende nuk dihen detaje mbi shkaqet e plagosjes së tij, ndërsa në vendngjarje kanë shkuar forca të policisë.
Sakaq, i plagosuri Emiljano Paloka, është dërguar në Spitalin e Shkodrës dhe po i nënshtrohet një operacioni.
Shkodër/Informacion paraprak
Rreth orës 21:45, në malin e Kolajve Velipojë, në rrethana ende të paqarta është plagosur me armë zjarri shtetasi E. P., 27 vjeç, banues në fshatin Pulaj-Plazhë, i cili është transportuar për ndihmë mjekësore dhe ndodhet jashtë rrezikut për jetën.
Shërbimet e Policisë, me marrjen e njoftimit, shkuan menjëherë në vendin e ngjarjes dhe sëbashku me dy grupe të Forcës Kombëtare të Sigurisë Njësia Shkodër po vijojnë krehjen e zonës.
Grupi hetimor në drejtimin e Prokurorisë, vijon punën në vendngjarje për sqarimin e rrethanave të ngjarjes dhe identifikimin e autoreve.
0 Comments: