Në nisje të dertit të së premtes në futboll, para takimit Dinamo-Partizani, do të organizohet një ceremoni mbështetëse dediuar muajit të kancerit të gjirit.

Siç mësohet nga YWCA of Albania, e cila çel fushatën e 13, të betejes kundër kancerit të gjirit, lojtarët e dy skuadrave dhe arbitrat do veshin bluza dedikuar muajit të kancerit të gjirit.

 “Si pjesë e iniciativave te tetorit rozë, nën moton ``burrat mbështesin gratë``, falenderojmë futbollistët e dy skuadrave për gadishmërinë për të qenë modele të suportit dhe zë në ndërgjegjësimin e gjithë komunitetit për rëndësinë e mbështetjes ndaj vajzave dhe grave me kancer në gji.

Sporti bashkon njerëzit. Njerëzit të bashkuar ia dalin të përballen me sfidat. Për të gjithë është e rëndësishme të dimë që nuk jemi vetëm. Prandaj në këtë rrugëtim të gjatë, me plot emocione e të papritura, YWCA of Albania dhe ambasadorja e Fjongos Rozë, znj. Ermonela Jaho, shprehin mirënjohjen e thellë për partnerët dhe bashkëpunëtorët e afërt, U.S. Embassy-Tirana , Roche,  American Bank of Investments, UNFPA Albania etj, të cilët kanë qenë mbështetësit kryesorë në punën e përbashkët.  Misioni i YWCA iu dedikohet fitimtareve rozë, të cilat na kanë mësuar të mos heqim asnjëherë dorë, sepse shpresat janë shumë më të mëdha se frika..

“Fjongo Rozë na kujton se zbulimi i hershëm i kancerit të gjirit, na shpëton jetën”, është motoja e kësaj fushate.