Shqipëria vijon të ketë një nivel të lartë të ndotjes akustike. Listën e kryeson Tirana ku nga 55 decibel që është vlera e lejuar gjatë ditës nga OBSH, në kryeqytet ajo kap vlerën e 67dB.

Në një intervistë për TemA Tv Drejtori i Përgjithshëm i Agjencisë Kombëtare të Mjedisit, Julian Beqiri sqaron se në muajin tetor është kryer një monitorim në 31 pika, në 5 qytete të ndryshme, ku Korça rezulton të jetë qyteti më pak i ndotur, ndërsa Tirana dhe Vlora me nivelin më të lartë të zhurmave. Sa i përket kryeqytetit Rruga e Elbasanit rezulton të jetë zona më e ndotur gjatë ditës, ndërsa gjatë natës “Farmacia 10”. Shkaktar kryesor i nivelit të lartë të zhurmave mbetet trafiku i rënduar.