Skemat e mashtrimit me tatimin mbi vlerën e shtuar të denoncuara nga Lëvizja Socialiste për Integrim, u sqaruan në emisionin e sotëm sonte në "Të Paekspozuarit", në MCN TV!

Deputetja e LSI-së, Erisa Xhixho, vlerëson se kjo skeme kriminale nuk do të mund të ndodhte pa urdhrin e Edi Ramës, dhe të gjithë kupolës së shtetit.

Ky është një evazion fiskal që bëhet nga kompanitë fiktive, pra në mënyre fiktive ndodhin fatura sepse duke rritur kostot mund të marrësh mbrapsht TVSH dhe skema bëhet për të justifikuar shërbimet dhe kosto që ti kryen në investimet në tre inceneratorët. Kemi nxjerrë 24 kompani të cilat figurojnë fiktive me deri 5-8 punëtorë, dhe e kryejnë fiktivitetin e të gjithë këtyre inceneratorëve.

Pra, ëhstë e gjitha një piramidë, që e kemi të qartë se pa urdhrin e Ramës kjo skemë kriminale nuk mund të ekzistonte, gjithë ky grup ka funksionuar për të justifikuar kostot, për të marrë TVSh, dhe pa mbështetjen e Ramës, dje të gjithë kupolës është e pamundur të implementohet, dhe sot kërkohet se ku kanë shkuar ato para.