Prokuroria e Posaçme Kundër Korrupsionit i ka bërë kërkesë Policisë së Shtetit për arrestimin e kandidatit të LSI-së në Tiranë, Elton Joka, i cili akuzohet për blerje të votave.

Kujtojmë se Joka renditej i 22 në listën e LSI-së në Tiranë, ndërsa gjatë fushatës një emision investigativ publikoi një video ku pretendohej se kandidati ishte duke blerë vota.

Gjykata e Posaçme e Shkallës së Parë kundër Krimit të Organizuar dhe Korrupsionit, ka refuzuar kërkesën e kandidatit për heqien e arrestit.